Сенбілік жұмыстары шаһар көлемінде іске асып жатыр. Жалпықалалық тазалық күнінде Әл-Фараби ауданында сенбілік жұмыстары Қарасу шағын ауданы 67,69 көпқабатты үйлерінің ауласында өтті. Санитарлық тазалық кезінде балалар алаңшасы сұйық сабынмен жуылып, ойын элементтері сырланды.
Тұрғындарға қолайсыздық келтіретін қураған ағаш бұталары кесіліп, аулалар сыпырылды. Аудан аумағындағы қоқыс алаңшалары тазартылды.
Аталған жұмыстарға Әл-Фараби ауданы әкімі аппаратының қызметкерлері, 11 арнайы техника және 120-ға жуық жұмысшы жұмылдырылды. Айта кетейік, аудан көлеміндже азалық шарасы күнделікті іске асады. Тиісті сала мамандары жиналған қоқыстарды тазалаумен айналысады.
Шымкент қаласы әкімінің қала аумағында тазалық жұмыстарын жүйелеу жөніндегі тапсырмасына сәйкес, ауданда тазалық жұмыстары тұрақты жүргізілуде.Ауданның ішкі орам көшелері мен аулаларының тазалығын ұйымдастыру, көшелерді жуу, күл-қоқыстарын шығару, ирригациялық жүйелер мен бордюрлер жанын тазалау, т.б. механикалық жұмыстары жүйелі түрде атқарылады. Айта өтсек, Шымкентте қала тазалығын қамтамасыз ету бағытындағы жұмыс күндіз-түні атқарылып жатыр. Қарқынды түрде қызмет етіп жүрген қаланың «тазалық сақшыларының» жұмысы мереке күні бірнеше есеге күшейеді. Жалпы қызметкерлер тұрақты түрде жұмыс істейді. Үшінші мегаполисте тазалық жұмыстары күнделікті қарқынды түрде жүргізіліп жатыр. Тазалық «сақшылары» қолына құрал-саймандарын алып, үздіксіз еңбек етуде
Әр тұрғын өз ауласынан бастап туған жерін абаттандыруға үлесін қоса алады. Қаланың тазалығы үшін тиісті мекеменің қызметкерлері ғана емес, тұрғындар да жауапты екенін есте сақтайық. Сүйікті қаламыздың тазалығын сақтауға бірге атсалысайық.
