Қауіпсіздікті күшейту бағытында жазатайым оқиғалардың алдын алу мақсатында, адамдар көп шоғырланатын орындарда LED экрандар арқылы бейнероликтер көрсетіліп, тұрғындардың мобильді телефондарына 112 қызметі арқылы күнделікті ескерту хабарламалары жіберілуде. Жаз айы басталған тұста, өзен мен көлдердің маңында демалушылардың саны артады. Дегенмен де көптеген адамдар ТЖД қызметкерлерінің ескертуіне мән бермей, белгіленбеген орындарда жазатайым оқиғаларға тап болып жатады. Нақтырақ айтсақ, Шымкент қаласының Төтенше жағдайлар департаментінің ресми мәліметіне сәйкес, қала аумағындағы су айдындарында 5 ресми орын белгіленген. Оның үшеуіне шомылуға рұқсат етілген. Олар: «Холодильник» және «Рахат Бадам» демалыс орындарымен Қошқар ата өзенінің бастауы. Сонымен қатар, екеуі спорт және туризмға арналған Дендрологиялық саябақ пен Жайлау көлі бар. Сондай- ақ, шомылуға тыйым салынған 13 орын айқындалып, 72 ескерту белгілері орнатылған. ТЖД қызметкерлері сәуір айынан бастап, судағы қауіпсіздікті сақтау бойынша 195 рет рейд жүргізіп, 20 952 адам қамтыды. Қауіпсіздікті күшейту бағытында жазатайым оқиғалардың алдын алу мақсатында, адамдар көп шоғырланатын орындарда LED экрандар арқылы бейнероликтер көрсетіліп, тұрғындардың мобильді телефондарына 112 қызметі арқылы күнделікті ескерту хабарламалары жіберілуде.
Мамандар арнайы түсіндірме жұмыстарын жүргізді. Т.сіндірме жұмыстарының барысында тұрғындарға суға шомылу барысында балаларды қараусыз қалдырмау, белгіленбеген су арналарының жағалауында суға шомылуға қатаң тиым салынатынын хабарлай келе, қауіпсіздік ережелері көрсетілген жадынама парақшалары таратылды.
Жазғы маусымда адамдардың тыйым салынған орындарда суға шомылудың алдын алу, суға түсу барысында қауіпсіздік ережелерін сақтау бағытындағы түсіндіру жұмыстары алдағы уақытта да жалғасатын болады.
Құрметті Шымкент қаласының тұрғындары мен қонақтары! Сіздерді суға шомылу ережелері мен қауіпсіздік шараларын қатаң сақтауға шақырамыз! Әр адамның өмірі – баға жетпес құндылық!
