Шымкент қаласында жаңа лингвистикалық «Oskar» мектебі ашылды.
Білім ошағының ашылу салтанатына арнайы келген Президент жанындағы Ұлттық Құрылтай мүшесі, Шымкент қалалық Қоғамдық Кеңесінің төрағасы Baurzhan Alteyev мырза мен қалалық білім басқармасының басшысы Жанат Тажиева ашылу лентасын қиып, осындай игі іске атсалысқан барша азаматтар мен мектеп ұжымына алғыстарын білдірді.
Бұл мектептің тағы бір ерекшелігі — Шымкент қаласында орналасқан еліміздегі жалғыз Әдет-ғұрып және Салт-дәстүр Орталығымен әріптестік меморандумы аясында мектептің тәрбие сағаттары мен мерекелік іс-шараларын осы орталықтың мамандарымен бірге ұлттық негізбен ұштастыра отырып өткізу жоспарларланған.
Яғни, бұл мектепте оқитын бүлдіршіндер бала күнінен салт-дәстүрімізді бойларына сіңіріп, ұлттық негізде тәрбие алып шығуларына да жағдай жасалынған.
Игі бастамаға арнайы келіп мектеп құрылымымен танысқан өңірімізге танымал білім саласының ардагерлері мен қоғам қайраткерлері өте жоғарғы бағалап, сәттілік тілеп жатты. Өйткені, бұл мектепте білім алушылардың жеке қабілеттерін ескере отырып, көптеген құрылымдық əдістерді пайдалану арқылы білім бағдарламасымен оқытады.
Ағылшын, француз, қытай, корей тілдерін жаһандық әдістер арқылы шетелдік мамандар тереңдетіп білім береді. Сонымен қатар, мектепке кітап сатып алудың еш қажеттілігі жоқ. Мектеп сіздерді тегін кітаппен қамтамасыз етеді.
Сабақтан кейін оқушылар өздерінің таңдауы бойынша кемінде екі-үш үйірмеге қатыса алады.
Балалардың кішкентай кезінен бастап креативтілігі, логикасы мен жан-жақты ойлау қабілеті дамыту мақсатында
— Робототехника
оқушыға тек эстетикалық тәрбие беріп қана қоймай, сонымен қатар, дүниетанымын, кеңістік қиялын, ой-өрісін тағы басқа көптеген жақсы қабілеттерін дамыту үшін
— қолөнер, көркемсурет, би, гимнастика, актерлік шеберлік, домбыра, шахмат, спорт үйірмелері бар.
«Oskar school» мектебінің ұжымы мұғалімдері жоғары білікті, білімді мамандар.
Мектеп оқушылардың қауіпсіздігін қамтамасыз ету және оларға қолайлы жағдай жасау үшін мынадай шараларды қолданады:
-мамандандырылған – кәсіби қауіпсіздік күзет қызметі тәулік бойы кезекшілік етеді;
— мектеп бейне бақылау камераларымен жабдықталған;
— бетті тану функциясы бар турникеттер;
— өртке қарсы қорғаныс жүйесі орнатылған.
Мектепте балалар үш мезгіл тамақпен қамтамасыз етілген. Сонымен қатар, сіздің балаңызды жайлы және қауіпсіз көлікпен қамтамасыз ете отырып тасымалдау қызметі бар.
