Шымкент қаласының 329 азаматы ҚР Президентінің Жарлығымен «Қазақстан Конституциясына 25 жыл» мерекелік медаліне ие болды. Олардың қатарында қоғам қайраткерлері, дәрігерлер, мұғалімдер, құқық қорғау органдарының қызметкерлері мен кәсіпкерлер және жұмысшылар сынды түрлі саланың мамандары бар.
Еңбегімен дараланған ақ халатты абзал жандарға ҚР Президентінің 2020 жылғы 20 тамыздағы Жарлығы бойынша «Қазақстан Конститутциясына 25 жыл» мерекелік медалі табысталды. Қаладағы емдеу мекемелерінде жұмыс істейтін 34 қызметкерге мерекелік төс бөлгі берілді.
Еске салсақ, 2020 жылдың ақпан айында Қазақстан Республикасының Президенті Қасым-Жомарт Тоқаев Конституция қабылданғанына 25 жыл толуына орай мерейтойлық медаль тағайындау туралы Жарлыққа қол қойған болатын.
Қазақстан Республикасының Конституциясы — Қазақстан Республикасының Ата Заңы. Конституция 1995 жылы 30 тамыз күні жалпыхалықтық Референдум негізінде қабылданды және 5 қыркүйек күні өз күшіне енді. Конституция 9 тараудан, 98 баптан тұрады.
