Шымкент қаласы бойынша Сыбайлас жемқорлыққа қарсы қызмет еріктілері бейінді Басқарманың, Жол активтерінің сапасы саласындағы уәкілетті ұйымның өкілдерімен, қоғам белсенділерімен және мердігер компаниялармен бірлесіп Тассай ш/а жол құрылысы учаскелеріне мониторинг жүргізді. Қоғамдық мониторинг барысында жүргізілетін жұмыстар мен материалдардың сапасы, сондай-ақ олардың сметалық құжаттамаға сәйкестігі қаралды. Көкпар, Шолпы, Көкпекті көшелерінің аяқталуы бойынша ЖСҚ-ға сәйкес мерзімдері көрсетіліп, орындалатын жұмыстардың МЕМСТ-ға сәйкес келмеуі анықталды. Мердігерлер барлық кемшіліктерді жою бойынша міндеттемелерді қабылдады. Айта кету керек, Қазақстан Республикасының Сыбайлас жемқорлыққа қарсы іс-қимыл Агенттігінің Шымкент қаласы бойынша департаменті жол құрылысы саласындағы сыбайлас жемқорлық тәуекелдеріне сыртқы талдау жүргізуде. Мемлекет басшысының жол саласындағы сыбайлас жемқорлық тәуекелдерін жою туралы тапсырмасын орындау мақсатындағы сыртқы талдау барысында жол саласына бөлінген қаражатты жоспарлау және жұмсау процестері зерделенетін болады. «Егер Сізде шағымдарыңыз бен ұсыныстарыңыз болса, төменде көрсетілген мекен-жайларға жолдауды сұраймыз. WhatsApp нөмірі: 8771 518 6834 Эл.пошта: prevention.shymkent@gmail.com Сіздің пікіріңіз біз үшін маңызды. Сыбайлас жемқорлықты жоюда азаматтық белсенділік танытыңыз!» деп хабарлады ҚР Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің баспасөз қызметі.
Еске салсақ, осыған дейін Шымкентте жаңа жоба қолға алынған еді. Еріктілердің мақсаты ешқандай ақы немесе пайда талап етпей, елдің дамуына осылай үлес қосу. Ал агенттіктің өзі бұл жобаны қос қолдап қолдайды екен. Айтуларынша, тәсілдің тиімділігін әлемдік тәжірибе дәлелдеп отыр. Антикор қазір түрлі салада мониторинг жүргізумен айналысып жатыр. Автобус, сауда орындары мен мемлекеттік мекемелерге барып, бақылау жүргізеді. Түрлі комиссия отырыстары, жиын-кездесулер өткізілетін болады. Айта кету керек, еріктілерде кез-келген мекемені барып тексере алатын құзірет жоқ. Нақты мойнына жүктелген міндет те қарастырмаған.