Мемлекет басшысының «Таза Қазақстан» жалпыұлттық бастамасы аясында «AMANAT» партиясы әр апта сайын ұйымдастырылатын «Таза бейсенбі» экологиялық акциясын бастағаны белгілі. Онда партияның мүшелері мен «Жастар Рухы» жастар қанатының белсенділері аудан аумағындағы орындарды тазалауға атсалысуда.
«Таза Қазақстан» республикалық апталық акциясы аясында Абай ауданына қарасты Асар мөлтек ауданында тазалық жұмыстары жүргізілді. Акцияға “AMANAT” партиясы Шымкент қалалық филиалының төрағасы, мәслихат төрағасы Бахадыр Нарымбетов, қалалық филиал Атқарушы хатшының м.а. Бекайдар Тулегенов, зиялы қауым өкілдері, ардагерлер, мәслихат депуттары қатысты. Сондай-ақ партия қызметкерлері, қалалық “Жастар Рухы” ЖҚ белсенділері, бастауыш партия ұйымдары мен БАҚ өкілдері белсенділік танытты.
«AMANAT» партиясының ұйытқы болуымен «Таза Қазақстан» жалпыұлттық науқаны аясындағы «Таза бейсенбі» республикалық экологиялық акциясы осы санаттағы іс-шаралардан ерекшілігі – ол елді мекен аумақтарын қоқыстан тазарту бойынша «нүктелік» жұмыс жүргізуге бағдарланған.
Айта кетейік, тазалық пен тәртіпті сақтау жобаның барлық қатысушыларының қоршаған ортаға жауапкершілікпен және саналы көзқарасын қалыптастыруға ықпал ете отырып, күнделікті өмірдің маңызды бөлігіне айналады. Табиғат байлықтарын сақтау жер бетінде өмір сүріп жатқан халықтардың өмірі мен қызметін, мемлекеттердің тұрақты экономикалық дамуының және әл-ауқатын арттырудың негізі болып саналады. Ал, қоршаған ортаны, ондағы жасыл желекті аялау, табиғи ресурстарды тиімді пайдалану мен оның байлықтарын сақтау және көркейту әрбір адамзаттың міндетіне кіреді.
«AMANAT» партиясы осы науқанды өткізу арқылы қоғамда экологиялық сана мен мәдениетті тәрбиелеуді маңызды міндет деп белгілейді және барша отандастарымызды бүгін мен болашаққа арналған игі істі қолдауға шақырады.
Айта кетерлігі, тазалық жұмыстары әр апта сайын жалғасады. Белсенді партияластар тек айналаны қоқыстан тазартып қана қоймай, тұрғындарға экологиялық акцияның мән-мақсатын түсіндіретін болады.