Әлеуметтік сала мамандары қызметінің басым бағыты халықты жұмыспен қамту, әлеуметтік көмек көрсету және мүгедектігі бар азаматтарды оңалту шараларымен қамтуға негізделген. Шымкент қаласы жұмыспен қамту және әлеуметтік қорғау басқармасына қарасты 11 арнаулы әлеуметтік қызметтер көрсету орталықтары мен «Еңбек мобильділігі» және «Мансап» орталықтары бар. Жалпы, бір мыңнан астам әлеуметтік сала маманы еңбек етеді.
Қызмет көрсету аясы кең салада жемқорлықтың жолын кесу маңызды. Бүгін осы мақсатта басқармаға бағынысты мекеме қызметкерлеріне сыбайлас жемқорлықтың тәуекелдеріне ішкі талдау жүргізу бойынша оқыту семинары ұйымдастырылды.
Жемқорлықпен күрес мәселесі назарға алынған шарада құқық бұзушылықтардың алдын-алу және сыбайлас жемқорлыққа әкелетін тәуекелдерді азайту көзделген. Сала мамандары қоғамның өзекті мәселесіне қатысты өзара пікір алмасып, құқықтық сауаттылықтарын арттырды.
Қазіргі біздің қоғамдағы өзекті тақырыптардың бірі – сыбайлас жемқорлықпен күрес. Сыбайлас жемқорлықты жүгендеуге қоғам болып ат салысуымз қажет. Сыбайлас жемқорлықтың алдын алуда, қоғамда сыбайлас жемқорлыққа қарсы мәдениетті қалыптастыруда көптеген әр түрлі шаралар ұйымдастырылып жүзеге асырылып жатыр. Елімізде сыбайластық жемқорлыққа қарсы күресу, алдын алу шаралары заманауи әлеуметтік-экономикалық саясатымен тығыз байланысты жоспарлы түрде қажеттілігіне көз жеткізілді. Жемқорлық-мемлекеттің, қоғамның дамуына тежеу болатын, болашағына кесірін тигізетін індет. Сыбайлас жемқорлықпен күресу бүгінгі күннің күрделі мәселесі болып отыр. Сыбайлас жемқорлықпен түбегейлі күресу үшін халықтың құқықтық сауатсыздығын жоятын, құқықты түсіндіру жұмысының сапасын арттырудың маңызы зор. «Сыбайлас жемқорлыққа қарсы күрес туралы» Заң талабының аясында жемқорлыққа қарсы іс-әрекеттер әр салада жүзеге асырылып келеді.
Қазақстан Республикасының Президенті Қасым-Жомарт Кемелұлы Тоқаевтың сыбайлас жемқорлыққа қарсы саясатын қолдау мақсатында «ЖАҢАРУ» сыбайлас жемқорлыққа қарсы жалпыұлттық қозғалысы» РҚБ Шымкент қалалық филиалының Қазақстан Республикасы Ақпарат және қоғамдық даму министрлігінің «Азаматтық бастамаларды қолдау орталығының» қолдауымен «Жастар бойында сыбайлас жемқорлыққа қарсы сананы қалыптастыру жөнінде іс-шаралар кешенін жүргізу» атты әлеуметтік жобасы шеңберінде іс-шара өткізілді.
