2022 жылдың 18 қазан күні Түркістан облысы қоғамдық даму басқармасының арнайы кестесіне сай Ордабасы ауданы «Жастар ресурстық орталығы» КММ-де Қазақстан Республикасы Мемлекеттік рәміздерінің 30 жылдығына орай ұйымдастырылған пресс-тур аясында жастар арасында интеллектуалды ойыны өтті.
Шараның мақсаты – жастар арасында мемлекеттік рәміздерді кеңінен насихаттау, елінің Туын, Елтаңбасын, Әнұранын қастерлеп, құрметтеуге, халқының тегін, ел тарихын тани білуге құрметтеуге, ұлтжандылыққа тәрбиелеу, интеллектуалды ойын арқылы ойы жүйрік, танымдық деңгейі жоғары, озық ойлы азаматтарды қалыптастыру, зеректік қабілетін дамыту.
Аталмыш байқауға Ордабасы ауданының 30-ға жуық жастары 3 жас ерекшеліктері бойынша интеллектуалды шахмат ойынына қатысып, 1 топ бойынша: жүлделі 1 орынды – Ибраимхан Асанәлі, 2 орынды -Маметулла Нұрболат, 3 орынды – Маметулла Ерболсын иеленді. Ал 2 топ бойынша: 1 орын – Рысқұлбек Естай, 2 орын – Тұралы Алинұр, 3 орын – Бегман Абдурахим еншіледі. 3 топ бойынша: 1 орында – Лес Сырым, 2 орынды – Әбдіхалық Нұртас, 3 орынды – Есентай Нұрахмет иеленді. Жеңімпаздарға арнайы бағалы сыйлықтар мен дипломдар, ал қатысушыларға арнайы алғыс хаттар табысталды.
Пресс-тур барасында арнайы келген облыс журналистері, блогерлер және қоғам белсенділері жергілікті ақсақалдар алқасының мүшелерінен, ұстаздар және жастардан Қазақстан Республикасы Мемлекеттік рәміздерінің 30 жылдығында жеткен жетістіктер туралы сұхбат алынып, сонымен қатар, барша қазақстандықтарға деген ізгі тілектерімен бөлісті.
