Шымкентте жаңа аялдамалар орнатылып, жол сызықтары жаңартылуда. Автобустардың саны артып, автопарктердегі қоғамдық көліктердің саны 1000-ға жетті. Бүгінде жолаушылар үшін қала іші және қала маңындағы 78 бағыт бойынша барлығы 882 қоғамдық көлік қызмет көрсетуде.Қала, мегаполис секілді кез келген ірі елдімекеннің күретамыры – қоғамдық көліктер. Оның ішінде жолаушылар автобустарының алар орны ерекше. Бұл саладағы қызмет сапасы неғұрлым жақсарған сайын қала тұрғындарының күнделікті өмірі соғұрлым жақсара түседі.
Тұрғындар тарапынан көліктер санын көбейту туралы өтініштер саны көбейген. Осы мәселе бойынша, әлеуметтік маңызы бар №45 бағыттағы қоғамдық көлігіне қосымша 4 автобус қосылып, жалпы саны 12 автобус қызмет көрсететін болды.
№66 автобус маршрутына 9 бірлік қосылып, автобус саны 16 – ға артты.
№75 автобус маршрутына 2 бірлік қосылып, жалпы 12 автобус жолаушыларды тасымалдайды.
№138 автобус маршрутына 1 бірлік қосылып, жалпы автобус саны 11 болды.
№17 автобус маршрутына 3 бірлік қосылып, жалпы автобус саны 13 болды.
№34 автобус маршрутына 2 бірлік қосылып, жалпы автобус саны 14 болды.
№149 автобус маршрутына 4 бірлік қосылып, жалпы автобус саны 10 болды.
№55 автобус маршрутына 2 бірлік қосылып, жалпы автобус саны 8 болды.
№150 автобус маршрутына 2 бірлік қосылды.
№139 автобус маршрутына 2 бірлік қосылып, жалпы автобус саны 14 болды.
№20 автобус маршрутына 2 бірлік қосылып, жалпы автобус саны 10 болды.
№171 және №171А автобус маршруттарына жалпы 2 бірлік қосылып, жалпы саны 7-ге артты.
Аталған бағыттағы қоғамдық көліктері қазан айынан бастап жаңа бекітілген кестемен жолаушыларды тасымалдай бастайды.Қала, мегаполис секілді кез келген ірі елдімекеннің күретамыры – қоғамдық көліктер. Оның ішінде жолаушылар автобустарының алар орны ерекше. Бұл саладағы қызмет сапасы неғұрлым жақсарған сайын қала тұрғындарының күнделікті өмірі соғұрлым жақсара түседі.
Айта кетсек, «Цифрлы Қазақстан» мемлекеттік бағдарламасын жүзеге асыру бойынша Шымкент қаласы бойынша жол картасы әзірленген. Аталған жол картасына сәйкес өткен жылдан бері 2 жоба енгізілген еді. Соның бірі – қоғамдық көліктердегі электронды билет жүйесі. Жалпы, Шымкент қаласындағы қоғамдық көліктерге электронды билет жүйесін енгізу жұмыстары өткен жылы қолға алынды. Бірнеше бағытта жүзеге асырылған пилоттық жоба аясында қала тұрғындары автобустардағы билет құнын парнайы төлем картасымен, SMS немесе QR-код арқылы төлеп жүр. Жаңа әдіспен жолақыны төлеуге Шымкент жұрты үйренді. Аталған жобаны енгізудегі басты мақсат – жолаушыларға қолайлы қызмет көрсету, көлік компанияларының кірістерінің ашықтығын қамтамасыз ету. Сонымен қоса бюджетке төленетін салық төлемдерін арттыру да маңызды.
