«Шымкент қаласы кәсіподақтар орталығы» аумақтық кәсіподақтар бірлестігінің және салалық кәсіподақтар филиалдарының бірлесе ұйымдастыруларымен кәсіподақтар орталығында мерекелік іс-шара өтті.
Іс-шарада «Шымкент қаласы кәсіподақтар орталығы» аумақтық кәсіподақтар бірлестігінің төрағасы Әлтеев Бауыржан Ілімшеұлы мен салалық кәсіподақтар филиалдары төрағалары құттықтау сөз сөйлеп, жиынға қатысушыларды «10 қазан — Кәсіптік одақтар күні» мерекесімен құттықтап, Шымкент қаласының әлеуметтік-экономикасына және кәсіподақ қозғалысын дамытуға қосқан елеулі үлестері үшін, бірқатар белсенді кәсіподақ мүшелеріне Қазақстан Республикасы Кәсіподақтар федерациясының, аумақтық кәсіподақтар бірлестігінің, Шымкент қалалық маслихатының және Шымкент қаласы әкімінің наградаларын табыстады.
Атап айтқанда, «Қызмет» салалық кәсіподағы бойынша марапат алғандар:
1. Әл-Фараби ауданы әкімі аппаратының ұйымдастыру-инспекторлық жұмыс және аумақтық даму бөлімінің басшысы Айнұр Келгенбекқызы Жалмурзаева Қазақстан Республикасы Кәсіподақтар федерациясының «Құрмет грамотасымен»;
2. Шымкент қаласының білім басқармасының «№89 ІТ мектеп-лицейі» коммуналдық мемлекеттік мекемесінің бастауыш кәсіподақ ұйымының төрағасы Абдурахман Абдулвахитұлы Нуримов «Шымкент қаласы кәсіподақтар орталығы» аумақтық кәсіподақтар бірлестігінің «Алғыс хатымен»;
3. Шымкент қаласының Қаратау ауданы әкімі аппаратының «Қаратау» коммуналдық мемлекеттік мекемесінің бастауыш кәсіподақ ұйымының төрағасы Есбол Нұрланұлы Таженов «Шымкент қаласы кәсіподақтар орталығы» аумақтық кәсіподақтар бірлестігінің «Алғыс хатымен»;
4. Қазақстан Республикасы Еңбек және халықты әлеуметтік қорғау министрлігі еңбек және әлеуметтік қорғау комитетінің Шымкент қаласы бойынша департаментінің бас маман-заңгері, бастауыш кәсіподақ ұйымының төрағасы Ғалымжан Қошқарбайұлы Нәлжанов Шымкент қаласы әкімінің «Алғыс хатымен»;
5. Шымкент қаласының тұрғын үй басқармасының бас маманы, бастауыш кәсіподақ ұйымының төрағасы Әбдімәлік Балбаев Шымкент қаласы әкімінің «Алғыс хатымен»;
6. Шымкент қаласы әкімдігінің «Еңбек мобильдігі орталығы» коммуналдық мемлекеттік мекемесі басшысының орынбасары, бастауыш кәсіподақ ұйымының төрайымы Жулдызхан Шухралиевна Балтабаева Шымкент қаласы әкімінің «Алғыс хатымен»;
7. Шымкент қаласы жұмыспен қамту және әлеуметтік қорғау басқармасының «№2 арнаулы әлеуметтік қызметтер көрсету орталығы» коммуналдық мемлекеттік мекемесінің еңбек нұсқаушысы, бастауыш кәсіподақ ұйымының төрағасы Асқар Амантайұлы Усенбаев Шымкент қалалық маслихатының «Алғыс хатымен» марапатталды.
